Monro Koli Boyida

Mihray Abdilim Abral

" Lake monro" kölige béring,
Éghir hislargha chömgen chaghlarda.
Ichingiz boshutup, qan'ghuche yighlang,
Hijran otida yan'ghan tünlerde...."

Bu sözler méning yadimda bolghach,
"Lake monro" kölige daim barimen.
Oxshash kechmish, oxshighan tuyghu,
Ilkide chongqur oygha chömimen.

Kölning süyi shunche tiniqtur,
Etrapi uning bükkide orman,
Tegsiz xiyallar, éghir tiniqlar
Qelbimde yanidu,tümenming arman.

Közlirim tiniq, kölning süyidek,
Ün-tünsiz shundaq kölge baqimen
Anga mujessem cheksiz muhebbet.
Armanlar ilkide ottek yanimen...

Xiyal keptirim üzer samada,
Tursammu özüm kölning qirida.
Séghinish hisliri qiynaydu méni,
Sézermen özumni "sayram" boyida.

Dostum sözliring yadimda bolghach,
" Lake monro" boyigha daim barimen,
Oxshash tuyghu- hislarda yan'ghach,
Menmu shu köldin medet tapimen.....


2007- yil Bloomington Indiana USA