Erpanning Chushliri

Mihray Abdilim Abral

1. Haywanatlar Baghchisida

Érpan tesewwurgha ajayip bay bala bolup , kichikidinla ajayip ishlarni oylaytti w'e balilarche chüchük tilliri bilen özi oylap yételmigen ishlarning sewebini apisidin sorap biliwélishqa tirishatti. Mana u 5 yashqa kirgendin buyan momisigha hemra bolup her küni axshimi mom'isining öyide qonidighan boldi . Shundin buyan u özi oylap yételmigen ishlarning sewebini momisidin sorap biliwalidighan boldi, elwette chöchekchi momisidin aj'ayip güzel chöcheklerni angliyalaydighan boldi. Mana emdi bu chöcheklerni chüs'hide qayta körüshke bashlidi , bezide momisi éytqan chöcheklerdiki menzirilerni, chöchek qehrimanlirini chüshide köretti, u etisi bu chüshini dostlirigha éytip bérip, ularni heyran qalduratti. Töwende érpanning eshu chüshliridin uning öz aghzi bilen manga éytip bergen bir qisim chüshlirini uninggha oxshash kichik dostlargh'a sundum .1-Haywanatlar baghchisida balilar bayrimining harpisida érpan dadisi bilen hayw'anatlar baghchisigha keldi. Emdila 5 yashqa kirgen érpan xilmu-xil haywanlarni k'örginide shundaq xushal bolup ketti . Ikki yil ilgiri u 3 yash chéghida bu baghchigha bir qétim kelgen idi , emma kichik bolghini üchün bolsa kérek peqet oyunchi m'aymunlarning chirayliq tozning qéshighila bérip , bashqa haywanlarni körüshke unimighan idi . Bu yil érpan chong bolup qalghandek qilatti . U dadisi bilen baghch'idiki hemme haywanni körüp chiqmaqchi boldi. U momisi éytip bergen chöcheklerdiki türlük haywanlarning zadi qandaqliqini bilmekchi, ular bilen eng yéqin ariliqta turup özining heqiqiy batur bala ikenlikini ispatlimaqchi idi . Ene oyunchi maymunlar, ular etrapi sim tor bilen qorshalghan chong oymanliq ichide bir -birini q'oghliship oynishiwatatti, érpan ulargha yanchuqidiki kempütlerdin tashlap bergen idi . Ular yep bolup érpan'gha qarap yene kempüt telep qilip chirqirashti, érpanning yanchuqidiki kempütlerning hemmisi tügigendila maymunlar andin néri kétishti. Chirayliq tozlar qanatlirini échip bérishti, kepterler top-topi bilen érpanning etrapida uchup yürüshetti, u chéchip bergen danlarni terip yéyishetti, hetta bir k'epter érpanning mürisige qonuwélip , uning aliqinidiki danni yédi , uzun boyunluq zirape érpan sunup bergen qariyaghach notisini töt putini kérip turup töwen'ge éngiship turup asta tartip yéyishke bashlidi , shimali muz okyandin keltürülgen aq éyiq sudin béshini chiqirip sayahetchilerge perwasizliq bilen qarap qoyatti-de y'ene sugha shungghuytti , qarighanda bu éyiq bu yerning issiq hawasigha könelm'eywatsa kérek. Mana érpan haywanatlar ichidiki eng küchlük ikki haywan shir bilen yolwas solan'ghan nahayiti chong qepesning qéshigha keldi , shir bilen yolwas qoshna qepeslerde bolup shir hurunluq bilen közini yérim yumghiniche yatatti, yolwas bolsa q'epesning ichide aylinip yüretti. Érpan'gha yolwas shirgha qarighanda yamanraq k'öründi «shundaq yolwas dégen haywanatlarning padishahi emesmu, u elwette yamande!» érpan baghchidin qaytquche shularni oylap mangdi. Uning köz aldigha «shir padishahi» dégen karton filimidiki yolwas bilen élishidighan shir padishah «li'on»ning turqi keldi-de, « zadi yolwas yamanmidu, shir yamanmidu »dégenlerni oylap béshi qétishqa bashlidi, u ixtiyarsiz dadisidin : - Dada yolwas küchlükmu , shir küchlükmu?- Dep soridi.- Her ikkisi küchlük balam bezi chaghlarda yolwas yéngiwalsa yene bezide shir y'éngiwalidiken.Érpan yene soridi :- Dada , sen ularning élishqinini körgenmiding?- Yaq balam , ular ademlerdin yiraq ormanliqta dalada yashaydu . Ademler bar yerge ezeldin kelmeydu. - Emise bu yerdiki yolwas we shirlar qandaq kélip qalghan?- Ularni ademler tutup ekéliptu balam.-Ularni solap qoymisa boptiken. . . -Shundaq balam , ademler ularning özlirige ziyan yetküzüshidin qorqup solap qoyushuptu- Emise ularni ormanliqqa ketküzüwets'un!Dadisi érpan'gha qarap birdem turup ketti-de , éghir xorsindi,- Shundaq balam ademler ularni tutmisa , qepeske solimisa bolatti. . . Érpan bügün nurghun haywanlarni körgen bolsimu emma ularning qepeske solap qoyulghini uning könglini bekla yérim qiliwetti. U yol boyi qepeske solan'ghan h'aywanlarni oylap keldi , aptobus békitige kelgende ular 7- yol aptobusigha chiqishti. Baghcha aylinip charchighan bolsa kérek, érpan aptobusqa chiqipla mügdeshke b'ashlidi. . . .Érpan özi baghchida körgen haywanatlarni chüshide kördi, ular érpanning etrapida erkin méngiship yüretti, uzun boyun zirape derex uchidiki yap- yéshil yumran yopurmaqlarni behuzur yeytti, maymunlar xushal halda derexler üstide shahtin-shahqa yamiship qoghlashmaq oynishiwatatti, ular érpandin kempüt sorashmayt'i, tülke otlaq ichide toshqan qoghlap yüretti, böriler top-top bolushup yiraqtiki kiyiklerni qoghlap kétiwatatti, ene awu terepte yiraq yerde ikki shir balisi pomdaqliship oynawatatti , érpan yolwasni izdidi emma tapalmidi yolwas nege möküwaldikine ? Érpan shularni oylap turghinida özining yénidila kündüzi qepes ichide körg'en yoghan yolwasning turghinini kördi, u yolwas shundaq mulayimliq bilen yoghan quyruqini asta shipangshitip érpanning yénida erkilep yatatti. . . . .-Balam közüngni achqin, aptowuzdin chüshimiz .- Dadisining oyghitishi bilen érpan közini teslikte achti , emma chüshide körgen bayiqi ishlarni zadila untup qalmidi .

2. Qara Eyiq bilen Seriq Quchqachning hikayisi

Érpanning bügün kéche hich uyqusi kelmidi . U momisining yénida yoghan közlirini torusqa tikkiniche jimmide yatatti.-Uyqung kelmidimu qozam?- Momisi méhri bilen uning pishanisini silidi. -Hikaye éytip bergine moma. Birnila éytip berseng boldi- Bolidu qozam , bügün sanga qara éyiq bilen sériq quchqachning hikayisini éytip bérey-momisi hikayisini bashlidi. Nahayiti uzun zamanlar ilgiri yiraq bir ormanliqta bir qara eyiq bar iken, u qiya tashlar arisidiki öngkür ichide yashaydiken , l'ékin tagh baghridiki ormanliqqa da'im kélip turidiken ; U ormanliq ichide hesel herilirining könikini tapidikende , herilerning gül shirniliri yighqili ketken pursitidin paydilinip , tatliq heselni hozurlinip yewalidiken. . . .Hikaye mushu yerge kelgende érpan hozurlinip külüp ketti -Shundaqmu moma , heriler u qara éyiqni chéqiwalmamdiken?-Elwette bezide heriler tuyuqsiz qaytip kélidiken-de uni hesel oghrilap yewatqan halitide körüp ,uning bash- közini ayimastin rasa chaqidiken , bundaq chaghlarda qara éyiq heptilep öngkürdin chiqmastin heriler chéqiwalghan yerlirige qara layni suwap yarilirini dawalaydiken , lékin yarisi saqayghan haman yene ormanliqqa hesel yiyish uchun kélidiken , ene shundaq künlerning biride , u ormanliqta özi ezeldin anglap baqmighan shundaq yéqimliq bir awazni anglapt'u-de , béshini kötürüp , here köniki üstidiki shaxta pütün wujudi bilen sayrawatqan sériq renglik bir qushni körüp qaptu .Qushning awazi shundaq yéqimliq hem mungluq ikenki qara éyiq hesel yiyishnimu untup qaptu . Sériq quchqachning awa zigha meptun bolghan qara éyiq derex tüwide olturup . Uning yéqimliq naxshisini anglashqa bashlaptu , qara éyiq bu ömride bundaq lerzan naxshini hich bir zam'an anglimighan iken. . . » - Shundaqmu moma , sériq quchqach eshundaq yéqimliq naxsha éytamdu?Érpan momisidin shu so'alni soridiyu közliri iliship uyqugha ketti . Momisi méhri bilen uning pishanisige soyup qoydi, -Shundaq qozam sériq quchqachning naxshisi qara'éyiqni meptun qiliwaptu . Érpan momisining baghrida tatliq uyqugha ketti u chüshide momisi éytqan ormanliqqa bériptu u bu guzel ormanliqta qara éyiq bilen sériq quchqachni körüptu.( Söyümlük kichik dost , hékayining dawamini ete éytip bérey bügün uxlang . )

3 .Yolwasqa min'gen momay

Bu kéche érpanning yene bugun keche erpanning yene uyqusi kelmidi . -Moma hikaye éytip bergine , peqet uyqum kelmidi !- Sériq quchqachning hikayisining dawamini éytip bireymu? -Momisi méhri bilen érpanning béshini silighach shundaq soridi.- Yaq moma , bügün manga yolwas heqqidiki hikayini éytip bergine. Momisi yénik uh tartti.- Bolidu qozam men sanga , yolwasqa min'gen momay heqqidiki hikayini éytip b'érey. Érpanning yoghan közliri chekchiyip ketti, - Moma , yolwasqimu min'gili bolamdiken? Yolwas bek yaman tursa , u momayni yewetmeptimu? -Yaq qozam, bu heqiqi hikaye méning ulugh momam yolwasqa min'gen iken. . .
Momisi hikayisini bashliwetti. -Xuddi sanga oxshash gödek chaghlirimda bu hikayini manga momam éytip bergen . Yolwas emeliyette tolimu mulayim haywan , ademler uninggha chéqilmisa , azar bermise u ademlerge chéqilmaydu . Momamning anisi qongtaji (jungghar xanliridin xunteyjining xelq arisidiki atilishi. (Dewride ghuljida ötken sheliklerdin iken ; U90 yashqa kirgen yili tuyuqsiz ghuljidin ayrilip seperge chiqqusi keptu, u zamanlarda hazirqidek mashinilar yoq iken , kishiler harwa bilen seperge chiqattiken , harwikesh naxshilirichu balam , bilseng shu zamanlardin qalghan naxshilar u , her qétimliq seperde 3-4 harwa bir bolup seperge chiqattiken , harwikeshler hazirqi shixodiki dengge kelginide , deng aldidiki qomushluqta ulargha bir yolwas uchraptu!-Yoghan yolwasmiken?- Érpanning közliri ajayip qorqunch bilen momisigha tikildi. - Shundaq balam , bek chong yolwas iken , u yolwas harwining aldida toghra yétiwaptu, yoluchilar hemmisi qorqup qéchip kétiptu. . . - Ulugh momimizchu? -Yaq balam ulugh momimiz qachalmaptu, u asta harwidin chüshüp yolwasning aldigha keptu. - Yolwas ulugh momimizni yimeptimu?- Érpan yene gep arilidi .-Yaq yolwas uni yimeptu, aldida toghra yétiwélip échinishliq ingraptu, ulugh momimiz, uninggha qarapla uning ong qoligha tiken kirip , ishship yiringlap ketkinin'i körüptu, we yolwasning aldida tizlinip chishi bilen nahayiti teslikte uning qolid'iki tikenni sughurup éliwétiptu, andin awaylap yiringni chiqirip , yolwasning qolini béshidiki daka yaghliqi bilen téngip qoyuptu. -Yolwas endi xoshal bolup kétip qalghandu-he?! - Yaq balam yolwas ketmeptu, u ulugh momimizning qoligha chachrighan yiringlarni tili bilen yalap tazilap qoyuptu , andin uning aldida toghrisigha yétiwélip zadila turghili unimaptu, ulugh momam «endi yolwas méni balilirigha yiyish uchun apirip béridighan oxshaydu » dep yolwasqa yalwuruptu uning rehim qilishini ist'ep yighlaptu , emma yolwas yenila ketmeptu , u dümbisini ishare qilip yatqiniche qopqili unimaptu , amalsiz qalghan ulugh momimiz yolwasqa miniptu...- Minmise boptiken - érpan astaghina shundaq didi . -Ensirime balam , yolwas ulugh momimizni dümbisige olturghuzup , uni bashqa y'olochilar chüshken dengge apirip qoyuptu. . .Érpan yénik tindi momisining bu hikayisi érpanni heyran qaldurghan idi. - Bu rastmu , moma ?- Elwette rast balam , herqandaq haywan yaxshiliqqa yaxshiliq qayturidu! Shu küni érpan yene chüsh kördi , cheksiz qomushluq , qomushluq arisida érpan kinolarda körginidikidek nahayiti chong bir yolwas yügürginiche kétiwatqidek , uning dümbiside aq lécheklik bir momay olturghidek. . . Érpan momisi bilen aptowuzda olturghudek , aptowuz momisi éytip bergen hikay'idiki qomushluqni boylap bir xilda kétiwatqudek ,yiraqta cheksiz ketken qomushluqlar arisida yoghan taghil yolwasqa min'gen aq licheklik bir momay yiraqlargha nezer salghiniche meghrur olturghudek , uning qolidiki altun renglik hasisi quyas'h nurida yalt- yult qilip chaqnap turatti... Mashina emdi cheksiz ketken qum barixanliri arisida kétiwatatti , érpan bu qumluqni qeyerdidur körgendek qilatti, - Moma - moma , qarighina , biz qeyerde hazir ? - Teklimakan chölligide biz balam ! bowilirimiz yashighan güzel makanlar idi bu..Momisi xiyalgha ketken idi. Érpan momisidin yene jiqqide soallarni sorimaqchi idi , yoghan taghil yolwas momayni dümbisige mindürginiche teklimakan chöllükining ichkirisige qarap kétiwatatti.... Érpan astaghine momisining bilikidin tutuwaldi , u yolwastin közüni üzmestin asta pichirlidi :- Moma u momay nege baridu?Emma momisi jawap bermestin derize sirtigha qarighiniche jimmide olturatti ,- Gep qilghina moma - érpan momisining bilikini silkishke bashlidi.... Ornungdin tur qozam , tang atti , sütüngni ichiwalghin ! momisining oyghutushi bilen érpan teslikte közüni achti , derizidin chüshken kün nuri ö ichige taram- taram nurlirini chachqan idi .


4.Eyiq uwisidiki qiz


Dadisi érpan'gha « chin tömür batur heqqide chöchek» digen resimlik kitapchini élip berdi. Momisining yénida yatqan érpan kitapni zoqi bilen körüshke bashlidi , chöchek weqeligi uni shundaq jelp qiliwaldiki érpan öz tesewwur dunyasida éyiq béqip chong qilghan chin tömür batur bilen mextumsilaning éyiq uwisida chong bolghan halitini oylashqa bashlidi... -Moma , éyiq shundaq wehshi haywan turup chin tomür batur bilen uning singlisi mextumsulani yewetmey béqip chong qiliptu, bu rastmu? - Rast balam , emiliyette haywanlar tolimu méhriwan, bu dunyada bowaqlarni béqip chong qilghan haywanlar jiq balam. -Ow , shundaqmu moma ,ular adem balilirini yep qoymamdu? -Yaq balam ,sen haywanlargha chéqilmisang ,ular sanga chéqilmaydu. Men sanga « éyiq öngkürüdiki qiz » ning hikayisini éytip bérey -moma , hikayengni éytqina ! -érpan erkilep momisining qoynigha shungghidi. Momisi amraq newrisining béshini méhri bilen silighiniche hikayisini bashlidi..- Sendin sel chongraq chaghlirim idi ,melimizde nuxan tetem deydighan birxoshnimiz bolup , nuxan tetemning pati isimlik tolimu chirayliq bir qizi bolidighan , u qiz 16 yashqa kirgen yili chöchek shehrining yiraq bir yézisi yeni qara öngkür deydighan yéridiki bir charwidarning oghli bilen toy qildi . Érpan gep arilidi:-Moma ch'arwidar digen qandaq adem? -He, balam, charwidar déginimiz nurghun mal charwiliri, yeni qoy- kala, tögiliri bar kishini körsitidu.-Bildim ,-érpan chong- chong közlirini momisigha tikkiniche hikayining dawamini saqlawatatti.- Toy nahayiti chong boldi dawutkam bilen nuxan tetem qizini nurghun mal- dunya bilen dagh- dugha ichide «qara öngkür»digen yiraq qirgha uzutup qoydi. Emma toy bolup 2 künd'in kéyin nuxan tetemning qizini «éyiq élip qéchip kétiptu !» digen xewer yétip keldi . Apam bilen nuxan tetemdin hal sorap ularning öyüge kirginimizde nuxan tetemning özüni kachatlap qattiq yighlap ketkini yadimda. Érpanning yoghan közliri chaqnap ketti, -moma, nuxan tetemning qizini éyiq yep ketmigendu- he ?! -Yaq balam , nuxan tetemning qizini éyiq yep ketmeptu , belki u qizni toy köchürüp man'gghanlar qolidin éyiq bulap élip qéchip kétiptu ! -dawutkam we nuxan tetemler we ularning qudisi nurghun pul xejlep, owchilarni yallap ,taqqa qizini izdep tépishq'a ewetti.-Toyi bolghan yigitchu? Umu barghandur-he ? -Elwette balam u batur yigitmu özining söyümlük ayalini éyiqning qolidin qutquzush üchün owchilar bilen tagh arisigha kirip kétiptu.Ular tagh arisida bir hepte izdigen bolsimu lékin u qizn'i tapalmaptu , öz söygen qizini tapalmighan yigit ümitsizliniptu , nuxan tetem bolsa bu künlerde tügüshüpla ketti, xoshnilar uni yoqlap her küni ularning öyige kirip turatti. Yalghuz qizidin ayrilip qalghan dawut bayning hali téximu xarap idi . « Kimde - kim ,qizimning uchuruni élip kélelise meyli uning tirik téni yaki uninggha tewe bolghan herqandaq bir nersini tépip kélelise men uninggha baylighimning yérimini bérimen !» dawutkam eshu qararni jakalighandin kéyin eyni yilliri pütün chöchek tewesidiki owchilar , charwichilar güzel kélinchek patini izdeshke kiriship ketti.Érpan intizarliq ichide hikayining dawamini saqlawatatti, shu tap uning közliri uyqudin yiraq idi.-Patini éyiq élip qéchip kétip 12 kün bolghanda taghdin nuxan tetemning qizining éyiq öngküridin taghdiki qoychi teripidin tépilghanliq xewiri keldi._Uh , moma ! güzel kélinchek pati hayattu-he? Sen digen iding éyiq bikardin -bikar ademlerge hujum qilmaydu, ach qalmisila ademlerni yimeydu, dep!-érpan ümit bilen momisigha tikildi .-Shundaq balam, pati tirikken , qoychi boway uni éyiqning uwisidin qutquzuwalghinida uning tinighi aranla qalghan iken.Éyiq uwisidin sirtqa ozuq izdep chiqip ketken chaghda ,shu etrapta qoy béqiwatqan bu bowayni uning amraq iti qawap , éyiq öngkürüge élip kéliptu ._" Éyiq öngküride güzel qiz bar " dep qawaptimu?-Érpan hozur bilen küldi . Güzel kélinchek patining hayat qalghinidin u shundaq xosh bolup ketken idi .Newrisining tatliq gepliri momisini söyündürdi.-Shundaq digen bolsa kérek , itining yol bashlishi bilen éyiq öngkürige kelgen qoychi öngkür aghzidiki tashni teslikte yötkep ,öngkür ichige kir'iptu ,u kishiler aghzidin patini éyiq élip qachqanlighi heqqidiki xewerni anglighan iken . U hushshiz yatqan patini öyüge élip kétiptu, etisi dawut bay bérip qizini ekiliwaldi. 1 Aydin kéyin pati sellimaza eslige keldi, 2 ay bolghanda dawut bay küyö oghlini taghdin chaqirip kélip pütün yurtqa qaytidin chong toy qilip berdi, elwett'e patini qutquzuwalghan qoychigha dawutbay özining taghdiki qoylirining yérimini bériwetti .Patini bolsa taqqa ikkinchilep ewetmidi , köyö oghlini yénida ich köy'ö oghul qilip élip qaldi.Momisi uzun'gha sozulghan hikayisini axirlashturdi , u ch'archighan idi.-Emdi uxlighin qozam ! yérim keche bolup ketti.Emma érpanning hich uyqusi kelmigen idi, uning momisidin sorimaqghi bolghan nurghun soalliri bar idi .-Moma , pati éyiqning uwisidiki chaghda nime yeptu ? Hesel yeptimu -ya ?-Éyiq uninggha özi owlighan haywanlarning göshlirini ekilip bériptu , elwette tagh miwiliri yawa alma , yawa ürüklermu bolsa kérek. Qorsiqi achqan pati amalsiz bularni yeptu, lékin yenila bek ajizlap kétiptu , eger qoychi kélip qutquzuwalmighan bolsa u belkim eshu éyiq öngküride achliqtin ölüp qélishi mümkin ikenduq . Buni pati özi bizge dep bergen idi . Boldi qozam emdi uxla ! Momisi bekla charchighan idi .-Moma bu rast weqemu ?-Érpan bu weqening rastlighigha yenila ishinelmeywat'atti.-Rast qozam bu rast bolghan weqe . Emdi uxlayli . Momisi uyquluq pichirlidi , érpanning közliri uyqugha ketti .


5. Pidakar Ana Kirpe

Érpan 6 yashqimu kirip qaldi , uhaywanatlarresimlik kitabini körüp olturatti , resimdiki tawuzni yumulitip kétiwatqankirpe uni heyran qalduratti ,u yénida olturghan momisidin soridi :- Moma , kirpe tawuzgha bek amraqmu ? - Shundaqbalam , kirpe tawuzgha amraq , baliliq chéghimda newreakambilen tawuzluqta kirpe tutqili barghan iduq .-Tutalidinglarmu?-Shundaq , newre akam bir kirpe balisini tutuwalghan idi emma men uni qachuruwetken!-Shundaqmu moma , nimishke undaq qilghan iding ?-Mana sanga dep berey balam . Momisi issiq alghanliri bilenérpanning béshinisilighach hikayisini bashlidi ...Balisi üchün özini qorban qilghan ana kirpeHélimu ésimde,baliliq chaghlirim idi,apam bilenyiraq sehradiki tuqqinimizning öyüge méhman'gha barduq . Shu küni tawuzluqta bir kirpe balisini tutiwalduq,bir newre akam uni tor xaltigha sélip shiik aldidiki derexke ésip qoydi,nimish undaq qilidighinini sorisam u :"kirpe bek yaman ,u yerni téship qéchip kétidu,xaltigha sélip qoysaq qachalmaydu."Didi,méning tügüliwalghan bu kirpe balisigha qarap ichim aghridide, "qoyuweteyli ,u téxi kichik iken,"didim,"rast deysen k'ichik bolghachqa xaltigha sélipésip qoydum,kechte anisi kélidu,uni tutiwalsaq tonurgha kömup yeymiz,bek mezilik!" newre akam goya kirpe göshini yewatqandek bir xil ipadide mang'a qaridi,emma méning shu tapta bu kirpe balisini qachuruwetishtin bashqini oylimighanliqimni u bilmeyti. Shu kuni bir chüshtin kéyin kirpe balisigha qarap olturghinim ésimde ,emma newre akamdin qorqup uni qachuruwetelmigen idim . Mana qarangghu chüshti,newre akam méni asta noqidi,"yure kirpining anisini tutup kélimiz""anisini tutiwalsang,balisini qoyup beremsen?"Newre akam erensizlik bilen jawap berdi"yaq,ikkisini bille tonurgha komup yeymiz!"közlirimdin möllide yash tamchidi,"yaq,boldi qilghin ,kirpini qoyuweteyli!"newre akam heyranliq bilen manga qaridi"jing shelikte sen!" Goya birsi boynimdin baghlap sorigendek newre akamning arqisidin mangdim.Héliqi kirpe b'alisi téxiche esighliq turatti,emma u endi béshini chiqiriwalghan bolup ghelite awazda chiqir'awatatti,"newre akam méni jimilidi"shuk,u anisini chaqiriwetiptu,anisimu choqum yéqinla j'ayda" newre akam ikkimiz paqa yopurmaqliri arqisida yoshurunup jimmide olturattuq. Towa rastla möjize yuz berdi,yoghan bir kirpe dereh yénida turatti,newre akam derehtiki kirpe balisini asta peske chushurdi,u bir uchi xaltigha baghlan'ghan aghamchini boshutuwatatt'i,mana kirpe balisi solan'ghan tor xalta yerge chushti,kirpe balisi xalta ichide tipirlayti,anisi tumshuqliri bilen Xalta ichidiki balisini hidlawatatti, bu chaghda newre akam qismaq yipini tutqan yene bir qolini silkidi darangshighan awaz bilen das komturulup,kirpe das astida qaldi. Shu tap yurugum qattiq sélip ketti,newre akam bérip dasni köterdi,das astidiki yoghan kirpe balisini hidlighiniche jimmide turatti,u tuguliwalmighan belki tumshughini tor xaltigha paturghiniche turatti! "Kördungmu ,adette kirpiler tikinini sirqa orup toptek tuguliwalatti,lékin bu kirpe balisini qutquzimen dep hemmini untuptu." "Bildim...."Emma gépimni dawamlashturalmidim burnum échiship,awazim boghulup kétiwatatti... Newre akam uxlap qalghandin kéyin ,asta ornumdin turdumde tor xaltini derextin chushurup ana-bala kirpini qoyuwettim. Newre akamning qattiq achchighi kélidighinini bilettim,emma shu kechisi xatirjem uxlidim.Momisi hikayisini tügetti . Mma érpanning köz aldidin balisini qutchuzush üchün özini pida qilghan kirpe anisining eshu qiyapiti hich ketmidi .

Elan qilinghan tor betliri :

www.biliwal.com

www.wetinim.org


www.okyan.com